ALUVIÓN DEL 17 DE ENERO DE 1945 DISTRITO DE CHAVÍN DE HUÁNTAR HUARI

Huk canchis qhagmiy killa waranga isgon pachak tawa phisganinyog, jatún Jirca Huantzan wararamunak allapa ajhasgha, chip puketepita  shapahsga wararamunak; ghoyallana, Waghag y Poghog jirkcakuna wakin jircakunawan willanakuyanac, niriyanagh, jatún diosninshic huancatami  (lanzón) kanan jorghuyan, Lima markapashi  apakuyan, nir llapan jircakuna allapa ajekuyanac.

Waranga isgon pachak canchis chuka watami, wamralla karghá, juk iskey watayoghallami carghá, ichic wanralla kekarmi purergha une chaqui nanikunapa, purergha Nunupata kinré, Lanchan kinré, Chichucancha kinré, Jato kinré, burriculla ghathisgha, waughe Juanhuan, waughe Auguhuan, shekinré puriyargha, allau chakipa, ichic campsha mirkapacuna aparishga.

Pampa Raju jallghapami ewayargha, she jallghachomi wakacuna, burricokuna petakarak. She puriyanghachomi tincureyargha wichu Vivianu Caurinuhuan, she wichunami mansha kasiyamarghan, niriyamargha, "wanrakuna rasmi Shillmakpagha puriyanki", "willariyashiki, une jatun jirca Huantzan ajakarkumaptin jahuan ghochapita juk china waca ghespiscamunac, sheta ghatiparna juk hatún toru yarghacaramunac, china wacagha ruri urepa eucamunagh, toruna ghepanta, ghepanta, ghepamta ghoycamunac chupampis jogharkur, ghatinakur, ghatinakur, ghatinakur Huachecza ruripa eukayamunac, rikekunquimar cargha, allapami jircakuna ajekuyarghan, ghepankunatana juchu eucamorgha manarhak jatun wancata jipiyanghanrak. Juchu chaskir tetallé she castillo niyanghanta sapaskergha, ashka llapan runantinta.

She watami, she catillo niyanghancho huanuyarghan prefecto de Huaraz, Lima autoridakuna, askha Chavín runakunapis, she runakuna jatun huancata Limapa apeta munayanac, she hatún huancagha unepitapis diosninshigmi, she huancatami mishti runakuna Lanzón nir reghiyan. 

She, Huk canchis qhagmiy killa waranga isgon pachak tawa phisganinyog watapitami, jatun huancata pipis yapapanshu, she huancagha unepitapis diosninshikmi, yapé jipita munayaptengha llapan jirkuna ghayanacur niriyangha hatún Huantzantami juchuta yurishimunanphag, shemi yapé shaphaskegha castilluta.